


Kumatheko Ethu
Okubhiyozela . Umhla
Wokuzalwa

Eli lithuba lakho lokuba udibane nabahlobo bakho bakwaBONA. Sixelele into onqwenela sibhale ngayo kwimagazini oyithandayo, uze uzibandakanye nathi
kwitheko lokubhiyozela ukugqiba iminyaka engama-40 yempumelelo!


UKUBA uhlala eSoweto, ePitoli ,
eKapa okanye emNtla Natal,
unokuba lundwendwe olubalulekileyo nosapho lwakho kwelinye lamatheko ethu onokuzuza namabhaso angayiwayo kuwo nabantwana bakho. Kuza kubakho amabhaso angayiwayo - kanti kuza kubakho ukutya neziselo nezinye izinto eziya kulenza itheko lisoloko likhumbuleka.

Nazi izinto eninokuzonwabela nosapho lwakho!

* Iivawutsha zakwaACKERMANS

ezixabisa i-R1 000!
* Iipentihowusi zakwaMiss Cameo ezixabisa i-R300 zabantwana abaneminyaka emi-6 ukuya kwesi-8.
* Izikipha zakwaBona nezakwaAckermans .
Amabhaso.
* Iibhaluni zabantwana.
*	Izinto zokudlala zabantwana. Uya kufumana nethuba lokubona uMr Barbie noMr Tip !
Itheko ngalinye liya kuqala ngo-5.30 matshona ukuya ngo-7.OO ngorhatya ngeveki yokugqibela kuOktobha . Kuza kubakho amashwam-shwam nesiselo sencindi yeziqhamo sakwaCapri-Sonne .

Uyafuna ukuya kweli theko?
Kuhle ke xa unqwenela!

Zalisa ikhuphoni engezantsi, uqinisekise ukuba ubhale idilesi echanileyo uze uyithumele kuthi ngokukhawuleza. Yithumele ngokukhawuleza ibe seyifikile kuthi ngomhla we-4 kuOktobha 1996, kwaye akayi kwamkelwa amangenelo
afike emva kwexesha. 







UZozuko Dlamini oneminyaka emithathu (umzukulu kaMongameli Mandela), encediswa nguNatalie Benard (owaphuma kwindawo yesibini kukhuphiswano luka1995 lukaMiss South Africa) ekubekeni " iipakethe " zokugqibela zokwakha imoto .
imoto epheleleyo eyakhiwe ngeepakethe
zesiselo.	






Umasakhane  Wokhuseleko Ezindleleni



Libe nempumelelo engummangaliso iphulo le-Stay Alert , Stay Alert Road Safety Project ebilikwiziko leevenkile laseNorthgate kutshanje.

kubhale uFRANCIS BARIT kufote abakwaAGFA

UNatalie Benard noZenani Mandela-Dlamini (intombi kaMongameli Mandela) onikwe iwonga lokugqibezela ukwakha
imoto .	


















NJENGOKO kubonakala ukuba  ukuqhuba kwabantu benxilile kuko okusuba imiphefumlo yabantu kakhulu kwiingozi zendlela, kubalulekile ukusetyenziswa kweendlela ezohlukeneyo ukulumkisa abantu baseMzantsi-Afrika ngeengozi zokuqhuba unxilile. Oko kwenze iphulo lePick 'n Pay Stay Alert , Stay Alive lidibane neA.A. Road Traffic Safety Foundation ekwenzeni amaphulo aliqela.
Ukuze uluntu luziqonde iingozi zokuqhuba unxilile iphulo lePick 'n Pay Stay Alert , Stay Alive neA.A. Road Traffic Safety Foundation zigqibe ekubeni iphulo layo liqhutywe ngohlobo lwe-Masakhane. Kweli phulo bekusakhiwa imoto ngeepakethe zesiselo.
Eli phulo beliyimpumelelo enkulu nelitsale abantu abaninzi belisePick 'n Pay Northgate Hypermarket . Ngeepakethi ezintlanu zeCoca-Cola kwakhiwe imoto eneefestile , indawo evulwayo ngaphezulu, izibane nebhampa - xa sibala nje ezimbalwa. Kwangelo xesha abantwana bebesenza iimoto
ezincinane ngezijungqe zeLego , ngoxa abanye bebefaka imibala kumxholo wokhuseleko ezindleleni. Kwakhiwe nesakhiwo esincinane seposi .
Owaphuma kwindawo yesibini kukhuphiswano luka-1995 lukaMiss South Africa , UNatalie Benard ebekho ukuze azokhuthaza abantwana, kanti abakwaAGFA bebethumele umfoti wabo ukuba ayofota abantwana.
Uvutho-ndaba lweli phulo ibe kukubekwa kweepakethe zokugqibela zeCoca-Cola okwenziwe ngabantu abohlukeneyo ukugqibezela le moto .
Unikwe iwonga lokugqibezela le moto uZenani Mandela-Dlamini, intombi kaMongameli waseMzantsi-Afrika, ngomsebenzi wakhe weA.A. Traffic Safety Foundation . Ziwongiwe nezinye iindwalutho.
Nangona kunjalo, eyona nto itsale umdla kube xa uZozuko Dlamini oneminyaka emithathu (ongumzukulu kaMongameli Nelson Mandela) obencediswa nguNatalie Benard ekubekeni iipakethe zokugqibela kwimoto ebisakhiwa.
Eli phulo ebelinemfundiso enkulu linike bonke abantu ebebekho ithuba lokubandakanyeka, impumelelo nelokonwaba. Bonke abantwana babebandakanyeke ngakupheleleyo. Bonke abantu ebebekho bafumene izipho okanye ikhepsi yeHyundai kanti abantwana abangama-50 bafumene amabhaso.
abakwaCoca-Cola balixhase ngokupheleleyo eli theko ngokunikela zonke iipakethe zeziselo ekwakhiwe ngazo imoto kumakhaya abantwana.
Eyona nto ibingundoqo kweli phulo ibikukubetheleta into yokuba iziselo ezinganxilisiyo zezona zenza iindlela zikhuseleke. Lo myalezo ubujoliswe kwiintsapho ikakhulu ibe yinto entle ubukho bosapho lukaMongameli waseMzantsi-Afrika ukuze kubonakale ukubaluleka kweli phulo.
Ukwakhiwa kwemoto igqitywe, nomntwana omncinane ebe negalelo ekuyakheni, kubethelele into yokuba abantu abadala bayazakha izinto kodwa ngabantwana abaza kuqhubeka nokwakha nabaza kuba ngabantu abadala bangomso.
Eli phulo libe yimpumelelo ekulumkiseni abantu ngeengozi ezinokubangelwa butywala ezindleleni. Mhlawumbi ngamaphulo afuna ukwenziwa rhoqo la ukuze sinciphise iingozi ezindleleni zethu. 



		BONA XHOSA - September 1996 51

		BONA XHOSA - September 1996 55

